Општа Стоматологија
ДЕНТОРИА
Стоматолошка ординација на специјалисти и експерти
Др. Ертан располага со внимателно одбран тим на стоматолози кои што ќе се погрижат за Вашето орално здравје. Автентичната љубов кон стоматологијата, како и континуираната посветеност на надоградба на знаењето на конгреси и семинари низ целиот свет, ќе Ви овозможат да бидете во одлични раце, кога станува збор за грижата на Вашите заби.
Општата стоматологија вклучува евалуација, дијагноза, превенција(спречување) и третман на заболувањата и нарушувања на нормалната морфологија и функција на структурите во усната празнина и лицевата регија околу усната празнина.
Целта на на општата стоматологија е превенирање на оралните заболување, навремена дијагноза и соодветен третман на веќе појавените заболувања, на тој начин одржување на добро орално здравје а со тоа и на Вашето системско(општо) здравје.
Dentoria Total Care
Dentoria Total Care е 40 минутен третман за длабинско чистење на забите. Овој третман ја опфаќа општата орална хигиена и обезбедува грижа со флуор терапија за зајакнување на Вашите заби. Третманнот вклучува airflow, полирање, професионално чистење на заби, чистење на јазикот и целосна нега со апликација на флуор за зацврстување на енамелот. Во пакетот е вклучен и тренинг за орална хигиена со цел да си заминете со свежи и здрави заби, но и здрави нови навики со кои што ќе ја негувате Вашата насмевка секој ден.
Композитни Пломби
Композитните пломби претставуваат замена за делот каде што е појавена (и отстранета) кариесната зона. По отстранувањето на кариесот, просторот се пополнува со композитна пломба која е во иста боја/нијанса со забот и се моделира според морфологијата и анатомијата на забот. На крајот на процедурата композитот се полира, за да се добие максимално природен и естетски дизајн на насмевката кај пациентот.
Зошто се поставуваат композитните пломби и која е нивната функција?
Основната цел е пломбите да бидат во форма на природни заби (и по форма и по боја), без видливи граници односно спој со природниот заб. Целта е пломбата да не биде видлива, а личноста да не може да ја разликува пломбата од сопствениот заб.
Дали естетските пломби се издржливи?
И покрај верувањето дека металните (амалгамски) пломби се поиздржливи и пофункционални сепак содржината на материјалот на композитните пломби е зајакната со хемиска врска која е многу силна и овозможува одлично врзување/спојување со забот што го продолжува животниот век на забот.
Дали естетските пломби имаат животен век?
Со Вашата рутинска контрола во Денториа на секои 6 месеци, многу лесно се обновуваат естетските пломби со полирање. Со користење на композитни пломби, на забите им се зголемува животниот век. Исто така, од особено значење е оралната хигиена и навиките кај пациентот. Некои пациенти имаат навика да гризат пластични лажички, да отвараат шишиња со заби, со што се намалува истрајноста на композитните полнења како што е глеќта на забот, која е многу цврста (и по цврстина на композиција го завзема 7мото место на светот). Композитните пломби, на ист начин се прилично црвсти и ја одржуваат својата форма и цврстина доколку правилно се одржуваат со орална хигиена и редовен преглед во Денториа.
Тимот на Денториа секогаш Ви стои на располагање за да Ви помогне во изборот на пломби/композитни полнења.
Дали е неопходно да се менуваат естетските пломби со текот на времето?
Не. Се додека забите се рутински негувани, не е неопходно да се менува композитната пломба доколку не се открие расипување на забот.
Каква е отпорноста на естетските пломби, дали ги штитат забите?
Со оглед на тоа дека современите композитни полнења се многу блиски до цврстината на нашите природни заби и хемиски се врзуваат за забите, со естетската пломба забот е позаштитен од евентуално кршење.
Може ли да ги заменам моите црни (амалгамски) пломби со естетски пломби?
Можете да ги замените вашите амалгамски пломби со естетски пломби во една сесија.